Zomi La Siam Vungthiankim thu tom!!!!

Vungthiankim | Lam etna Toupa ah

By Site Admin

Thursday, 06 December 2007

Aw thak leh lailung kuai zou ding khop a I Zomi nungakte lasak I hon zanawn bang zaw chimul bangthou hial leh kilawm in lungtai mahmah hi.. U naunu Vungthiankim in “Agape Itna” chih la a honsa a, ngaihnop huailou tuanlou, a teek a khang mobile teng phial ah om leh kilawm! A theihtawp suah a a siamna Toupa a ding a a hon zang khia tuh, tuailai zaitha hat-te, a hon chou mahmah hi. Aw tuailai, Toupa a ding in nang bang na hih dia? Ki ngaihtuah hun ahi. Unaunu Vungthiankim in Laa asak a pat tuni dong Album thum bang bawl kheta a, Video cassatte ngen in bawl khia a, a et bang mit tai huai mahmah hi. A album bawlkhiakte min en zual leng: “A Tribute to Mrs.(L)Niangsuanching”, “Mikhual lel kahi”, leh “Ka lamet Toupa” chihte ahi. A video cassette te ahih leh Lamka sung leh muntuam mualtuam a agent te kiang ah a muhtheih ding. KHEN-II Mimal taangthu. Min: Vungthiankim Piankum : 24th. October 1988 Zodiac Sign: Scorpio Pianna Khua: Singngat Omna Veng: Vengnuam, New Lamka. Pa Min: Upa. T. Paukhansiam Nu Min: T. Ngainiang Siamsin na lam : Class A to II: Singngat Hill Model High School Class III: Hanship Mission School Class IV: Thanlon Mission School Class V to VII: Sinzawl Mission School Class VIII: Rayburn High School Class IX to X: Blue Star Academy Class XI to XII:Rayburn College Tulel a na zil/na sep: B.A 1st.yr, Lamka College ah zillel Hobbies: Lasak leh music ngaihkhiak. Na hun awl in bang na hihsek a: Innkuante panpih theih dandan in ka panpih. Music bangchi daan a ana lungluut kha, bangchik apat : Ka neu apan a na lunglut ka hi. Music (tumging) bangbang na khoih siam a: Guiter ka tumtheinimnem a a dang khoihtheih ka neikei Laa siam/music tumsiam khoveel ah kua na ngaisang, kua’n a hon inspire peen: Music genre tuamtuam ah bangchidaan te na ngaina : Country Ei Zomi laa siam/tumging siam laklak ah kua na ngaisaang peen a: T.G.Lian Eimi laa nalh na sakpen leh Music nalh na sak penpen khat : Agape iitna nalh kasa pen, lakaih nalhsak di pen ka neituan kei. Ngaihzawng na nei hia: (blank) Khenpi III:Thukhotaang ZG: Lamka leh i Zogam ah eimi laa te khawng saang in Mizo te laa khawng a kithangzaw a, a tom in geenle, Mizo imperialism khat ahimai a, a culture uh honzuak naak mahmah mai uh. Ei lam laa te’n phazou lou lua i bang na sa hia? KM: Mizo te I chih chiang in state khat ahita ua, sum-le-pai ah buaina a neitawm ua, eilam ahihleh a hoihdi thei lele sum-le-pai neilou I hihman in amau abang a kineilou leh ki bawl zoulou ahih man in ki phazoulou deuh mah hiin ka thei hi. Enle amau bang in sum-le-pai neile a hoih kitheilua ahihman in maban ah phakzohlouh nang om tuanlou hiin ka thei hi. ZG: Bangchi’n i music dinmun i develop thei dia? Banglam a panlaak kisam nasa? KM: I music dinmun uh develop theihna dia poimoh kasak mahmah tuh”PANKHAWMNA” ahi. Eilak ah pankhawmna kisam deuh hiin ka thei a, laa lam leh music lamte adin a buaihuai mahmah ding hiin ka thei hi. ZG: Mabaan ah bang plan na nei? KM: Dam a Pathian in hon ma honpi leh, khanawn khong a album khat release ka sawm ahi. Huaiban ah X-Mas laa le khum sawmsim dan ka hi. ZG: Music album na bawlkhiat leh la nana sakkhiat taak te apan in bang zilkhiat thak na nei? Na album na khawng hoihthou in na thei hia? Mipi te response bang hi’n na mu? KM: Aminpu a lasa leh thilhih hilou a, koilampeuh ah mi I phak theihna dia pan naktak a lakdi ahi chih ka mukhia. Mi hon produce ahihziak in hiailam ka theihpih khol kei.Ka kinepna sang in mipite respone hoih hiin ka mu a ka kipak mahmah hi. ZG: Khenkhat te’n i lapau a mang kuankuan te kepbit hoih ahi, a chi ua, khenkhat te’n lah tulai vai deuh a laa kaih(tune) i bawlchiang in lapau thuuk lawte a kilawm kei, a chizeel ua. Hiai tungtaang ah bang a na ngaihdaan? KM: Hiai tungtang ah, “Hiai a hoih, hiai ahoihkei” chih di ka theikei a, I zuih khak dandan uh ka pom ahi mai. ZG: Zawlla leh Pathian lasak tungtaang bang a na ngaihdaan? KM: Zawlla leh Pathian laa sak tungtang ah mohsak di kathei tuankei a, mihing Iki batlouh dungzui a I lungluut na kibanglou ahihman in hiai thu ah kuamah etsawi na leh banghiam in kala tuankei. Lungluutna kibat louh le khovel bukim na khat hiveen maw. A music video anuai a te ahi Agape Itna Vungthiankim - Nung chiang in thei ni Vungthiankim - Ka khete'n na lampi Vungthiankim - Damna Tui Hiai a music review ki bawl te hi zogam.com te phalna tellou a koi mah a lak/zat sawn phal ahi kei hi. Zat utna leh poimoh na neite'n admin@zogam.comThis e-mail address is being protected from spam bots, you need JavaScript enabled to view it This e-mail address is being protected from spam bots, you need JavaScript enabled to view it ah a contact theih gige ding.

Zomi La Siam Chingmuankim Shoute!!!

Angel Tongsuah Kilawm - Chingmuankim Shoute

By vaphualization

Monday, 17 September 2007

Chingmuankim Shoute "Meelmuh chiilpan lunglai kuai..." leh "Nihgeel itna zalai a lawibang thangsa..." chi a neem tak a honsak hialhial ka zaak tuung a kipan, a aw in hon bumhai zou hial hi'n ka thei. Ka bil a a aw neem ka zaak in ka lu-uum sungteng hon zeelsuak a. Ka kam leh muuk te'n ka omna peuh ah, hunteng phial in, a laa sak te a sa hauhau den hi. Zawitak in hon awi diaidiai a, mun khenkhat ah hon heekkawi ngaat zeel a, a saanna mun te ah leeng zohthoh takmai in, a aw neemna bei tuanlou in, leh a luandaan ngeingei a luang in sathei hi. Amah ahihleh kuadang hilou in, Zomi te' Angel chihtheih phial diing a laa siam, i suan mahmah leh i kisaktheih pih mahmah uh, Chingmuankim Shoute ahi. Atom in, Kimneu. A aw a zaaknuam a, kia geenlouh, a meel leh a duang mahmah in mi tampi a zoukhin hi. A meelhoihna leh a laa siamna te hong kigawm sawnsawn chiang in, ngaikhe tu te a omthei nawn mangkei uh. 2000 kum a Rayburn College Freshers Meet, YPA Hall, New Lamka a ka neihlai ua, "You're still the one" a honsa tatak bangzaw aw, hundang a mipi te kichiak vengvung himahleh, huai laa honsak pat toh kituak in dai khipkhep hial in kingai hi. Shania Twain chiahchiah himai. College leh function neu tuamtuam a sasek himahleh, laa siam a hong minthan khiatna ahihleh S Pauginmuan toh "Siallouh Vangngaih - II" album a laa nalh taktak bangzah hiam a honsak khiat apan ahi hi. Kimneu ahihleh Lamka Tung mi ahi a, tulel in, Bangalore khopi ah omlel hi. Amah ahihleh a neu a kipan laa lungluut mi ana hi a, himahleh huailou leeng thildang tampi siam anei hi. Hun awl a laibu simsim khawng nuam a sakzawng ahi. Tuni tan in album khat bawlta a, tukum December a innlam a paichiang in album dangkhat bawlsawm nawn hi. Ahihtheih leh. Kimneu in “Siallouh Vangngaih – II” ah laa thum sa kha hi. Tua te ahihleh Nihgel Itna, Meelmuh Chiilpan leh Hon Heisan Ke’n ahi. 2000 kum ahi. Nihgel Itna leh Hon Heisan Ke’n peen S Pauginmuan toh a sakkhawm uh ahi a, Melmuh Chiilpan peen amah a a sakdeuh ahi. Laa thu te a gilthei a, a kaih te leeng a thu toh a kituak a, a changkaang mahmah. A hiauhiau lampang ngen ahi. A kaih mawitak mai, aw nalh zawseem in honzeem zomah a. Hiai laa thumte’n Lamka huihkhua leh Zodawn a mualte nasatak in a thawnsuak a, mi te’n, a diak in khangthak te’n, a paakta mahmah mai uhi. “Ehe, hiai ah khangthak te’ lametna subuching tu nungak khat a hongpiang khe ta vele maw” a chihial uhi. Innchih ah hiai laa te a kikhah zou den a, Zodawn ah leeng AIR Paite Program tungtawn in a kikhah gige a, tunitan in Seppatnni a “Laa Tualleng Teelna Hun” ah hiai laa thum te’n mun a luahzou den lai uhi. Kum 2000 lakveel mah in Kimneu’ laa dangkhat a hongluun mahmah nawn hi. Huaibel Lungdeih Ngaih ahi. LT Paite toh a sakkhawm uh ahi a, hiai laa ngei leeng, eimi laa naraan te toh kibang lou in chituamna mahmah a honnei hi. A kaih in bil a hiippah a, a sa te’ aw a kituak mahmah a, adiak in, Kimneu’ aw hoihdaan hiai laa in, athak in, a hon taaklang hi. A laa zawichik in a hong kipan diaidiai a, a hong kalsaang tou deuhdeuh a, siamtak in a hon awi hialhial mai hi. Kimneu’ single dangkhat ahihleh Tunnu Zogam – III album a phamta Sir Funny’ phuah, Nampi Lungphawng ahi. Hiai laa ahihleh gam ngaihlaa thuuktak mai ahi a, laa ngaih mahmah khat ahinawn. Huchiin, amasa peen di’n Kimneu in 2005 kum in a album masapen “Hong len gige'n” a hon bawlkhia hi. Hiai ahihleh a nu-le-pa, Dr Thangminlian and Chiingouman te’n a bawlkhiat sak uh ahi. Pathian laa ngen ahi a, laa thu te a hoihthei a, tumging leh a aw te kituak tak a repkhawm ahihziak mah in a ngaih a nuamthei mahmah hi. Laa te ahihleh Pu V Paukhansiam in a phuahdeuh vek ahi a, himahleh laa khat, Vanglai Ni peen Rev Rouding Pulamte’ gelh ahi hi. A tamzaw Roulngul Recording Studio a kikhum ahi a, laa dang nih te ahileh Lengtong a khum ahi. Kimneu in hiai “Hong len gige’n” album a vek in video in bawl hi. “Hiai Gospel Video CD hih a la-thu hi'n a lim-te hitaleh, eimi a lak a ahoih leh changkang pawltak ahi,” chiin Siamsinpawlpi.org in gelh hi. Ahinamah a, hiai video te hih, a et a nuambiik mahmah, adang te toh teh in, chihdiing ahi. A khenchiang in Kimneu aw’, Sarah McLachlan' aw toh a tehkaak theih hi. A aw neem daan uh. A siam daan uh. Leh, bil a dia ngaihkhiat a hahdam daante. Mahleh, ahitak in, ama’ aw zaw, midang kuamah toh tehkaak theih ahikei. Chituam liuliau-na tak khat anei. Huaimah lah a siamna ahingaal a. A minthanna tak kha. Khenkhat te' laa te, nihvei-thumvei i ngaihkhit nung chiang in kingai peih nawnlou simmai hi. Mahleh, Kimneu' laa te leh a aw mahmah zaw, ngaihchim theihlouh, Zo huihkhii siang honglaang hiauhiau mah bang eive. H O U L I M N A Mimal taangthu Chingmuankim Shoute 1. Min: Chingmuankim Shoute 2. Pianni: March 5 (Pisces) 3. Pianna veng/khua: Lamka 4. Tulel a omna: Bangalore 5. Nu-leh-pa’ min: Dr Thangminlian and Chiingouman 6. Siamsinna munte: Master in Human Resource Management - Christ College, Bangalore; BA - Jyoti Nivas, Banaglore; X toh XII – Rayburn College, Lamka 8. Tulel in bang na sep: TLI Software - Quality Screener 9. Na hobbies: Cooking and Reading 10.Cooking. Hmm… nuam e. Ahihleh tulai tak in bang na sim: Danielle Steel’ a, No Greater Love 11.Na hobbies cooking leh reading na chi a. Ahihleh music la: Oh, huaichu hi e, zenzen. Theihsiam sa a koih i hihchu. 12.Na hun awl in bang na hihsek: Movie, Reading 13.Music instrument bangbang na khoihthei: Maracas [Guiter tumthei lou maw? Chimawk! Ahihleh laa timing na bohsiam thei ngeileh! (Hahaha)] 14.Laa siam/music tumsiam khoveel ah kua na ngaisaang:Shania Twain, Whitney Houston, Celine Dion, ABBA 15.Music genre bangte na ngaina: pop, sentimental, country, rock, 80s 16.Ei Zomi laa siam/tumging siam kua na ngaisaang: Thangboi Mangte, Mimin Baite, Benjamin, Pauginmuan, S.Chingnu, Lianlunching 17. Eimi laa nalh na sakpeen khat: Tamlua… 18. Ngaihzawng na nei hia:…(???) Thukhotaang 1. Lamka leh i Zogam ah eimi laa te khawng saang in Mizo te laa khawng a kithangzaw a, a tom in geenle, Mizo imperialism khat ahimai a, a culture uh honzuak naak mahmah mai uh. Ei lam laa te’n phazou lou lua i bang na sa hia? Alaa kaih te uh nalh zo deuh ziak… Ei a te le amau a sang a nalhzaw le omtham.. 2. Bangchi’n i music dinmun i khangsak thei dia? Banglam a panlaak kisam nasa? Mipi support poimoh pen hi'n ka thei. Album i bawlchiang un lei siausiau in, copy sawn ahihkeileh kikhelh chih te tawmdeuh leh. 3. Mabaan ah bang plan na nei? Ka thilhih khempeuh ah kuhkal tak leh lohchin ka sawm. 4. Music album na bawlkhiat leh laa nana sakkhiat taak te apan in bang zilkhiat thak na nei? Na album na khawng hoihthou in na thei hia? Mipi te’ response bang hi’n na mu? Ka lungkim mahmah chihdi ahi. Tha tampi piakngai ahih lam ka phawk a, mipi te, lawm leh vual, nu leh pa, leh tanau-laina te'n a hon support mahmah uh. 5. Laa a laapau thuuklua zat leh zatlouh, ahihkeh kholak pau zat tungtaang ah geen na nei hia? Laa pau hi in, kholak pau zang lele, athu alaa ahoih naak leh phamoh kei. I geennop, i saknop a ngaikhe tu te'n ana zaakkhaak poimoh pen h'in ka thei. 6. Ahihleh zawl laa leh Pathian laa sak tungtaang la? A hoih vek, poi kasa kei. Zawll aa hi in Pathian laa hileh itna laa ngen ahi. D I S C O G R A P H Y Hong len gige'n Shoute's Production 2005 (Cassettes & VCDs) Music by S Gouhau & Thangpi Recorded at Roulnguls & Lengtonghoih Rec. Studio Video Camera: Lala Hauzel Video Director: V Paukhansiam Produced by Mr & Mrs Dr Thangminlian Shoute (1000 copies sold over Zogam) S I N G L E S 1. Nihgel Itna (S Pauginmuan) | Siallouh Vangngaih II (2000) | Emty Shoute' phuah 2. Melmuh Chiilpan (S Pauginmuan) | Siallouh Vangngaih II (2000) | Singthianmuan' phuah 3. Hon Heisan Ke'n (S Pauginmuan) | Siallouh Vangngaih II (2000) 4. Lungdeih Ngaih (LT Paite) | Lungdeih Ngaih (2000) | LT Paite' phuah 5. Nampi Lungphawng | Tunnu Zogam III | Sir Funny' phuah Hong len gige'n apan (laa min leh aphuahtu) Chingmuankim 1. Hong len gige'n | V Paukhansiam 2. Hong kai sak aw | V Paukhansiam 3. Siangthou Toupa | V Paukhansiam 4. Khuamial gamte | V Paukhansiam 5. Hong kem in Pa aw | V Paukhansiam 6. Nuamsa tate | V Paukhansiam 7. Vanglai ni | Rev Rouding Pudaite 8. Muanna suangpi | V Paukhansiam 9. Kong phat hi | V Paukhansiam 10. Khamuan Pa | V Paukhansiam 11. Nuam den ta ding | V Paukhansiam A Lasak en ut a ngai ut te a ding in ah_ Kimneu - HongKem In Pa Aw "Hiai Gospel Video CD hih a la-thu hi'n a lim-te hitaleh, eimi a lak a ahoih leh changkang pawltak ahi hi. Huaiziak in, entu leh ngaikhe tu-te'n hiai album leisak chiat leng, chi'n i ki ngen hi. Lamka ah Laizoms dawr leh cassette zuakna munte ah amuh theih ding. Heutu-nu Lia Chingmuankim Shoute kiang ah leng amuh theih ding." Siamsinpawlpi.org © Zogam.com | Hiai music review Zogam.com lou mundang koimah ah laaksawn phal ahi nai tadik kei. Bikbek in. Huchibang a lasawn ut i om zenzen leh admin@zogam.comThis e-mail address is being protected from spam bots, you need JavaScript enabled to view it toh vaphualization@zogam.comThis e-mail address is being protected from spam bots, you need JavaScript enabled to view it ah nget masak a ngaidiing. Tualou in, hiaibang a i laasiam te vawkkaang ut i om leh chik laipeuh in a tung a e-mail tungtawn in a thuzaak theih gige. [ v a p h u a l i z a t i o n ] Read simillar articles/news at: Zogam Stars

Zomi La Siam Miss Gloria Chiinlianniang thu tom!!!

Zomi Zai-awih siam Miss Gloria Chiinlianniang

By ramshao

Thursday, 06 September 2007

Zogam Star: Gloria Miss Gloria Chiinlianniang phamsa Pa Khamkhopau leh Paite-te laka a lasasiam a minthang mahmah Nu Lianlunching te gil a gah goutan tanu ahi a, tulel in Zenhang Lamka ah khosa lel uhi. , Zenhang Lamka Baptist Children Department in Album “Jesu neih ka ut” chih a hon bawl ua pan Lamka tel a mun tuamtuam a mi’n lasiam a a theih uh a hong hi hi.Amau unau 3 (pasal 2 leh numei 1) pha ua, amah kia numei hi a, amah kia in Album bawl nai kei mahleh mi Album bawl ah bel mun nih ah tel ta hi. BCD Zenhang Lamka te lak a a tel zoh in “Hangpu phatna late” kichi Collection Album ah la 2 sa nawn a, pawl XII a zohma Album bawlsawm lou ahihdan Tongluang te zasak hi. Zogam Star: Gloria 1. Min : Gloria Chiinlianniang 2. Pa Min : (L) V. Khamkhopau 3. Nu Min : V. Lianlunching 4. Omna : Zenhang Lamka 5. Date of Birth : 17th Sept. 1991 6. Sandan(height) : 5.3 . t 7. School/College : V.K. Tawna College 8. Class : XII (Arts) 9. Star Sign : Virgo 10. Rong ngaihnat : A vom leh a ngou (Black & White) 11. Gam muh nuam : London 12. Mi ngaihsang : Mother Teresa 13. Hobby : Lasak leh music ngaihkhiak. 14. Hihtup (aim in life) : Hinkhua a mi lohching, mahni kitoudelh zoh. 15. Paite/Zomite poimoh hi a theih : Ei Paite/Zomite a dia poimoh a ka theih khat tuh hun zat dik ahi. Tua sang mah in hun zat dik dan siam beh lai leng mimal hi’n i gam- i nam a din masawnna thupitak i tan beh lai ding un ka gingta hi. 16. Tu ban kum 10 nungin a bang dinmun a ding a bang hidin na kimu a ? Tuban kum 10 nung chiang in Pathian pina toh ka tup tangtun ding a ka gintaak banah hon ittu ka muh a leh pasal ka neita ding hi. [Source: Tongluang] A music video te anuai a bang ahi 1. Gloria Chiinlianniang - Nang di'n zang ning 2. Gloria Chiinlianniang - K'ong pahtawi hi 3. Gloria Chiinlianniang